Feliz Nadal !!!

Deséxovos Feliz Nadal e espero que teñades tantos regalos coma min.
Isto é o que me trouxo Papá Noel: sete libros, un xogo eléctronico de reflexos, unha lanterna en forma de porco, catro pequenos botes de perfume e un xogo de damas (porque ata onte non sabía xogar).
Todos os regalos me encantaron, e descubrín que as damas é o xogo popular de mesa que máis me gusta despois do Parchís. Encántame o Nadal!!!   

Cabalgata de Reis

Hoxe día 5 de Xaneiro fun á cabalgata dos Reis Magos en Lugo.
Empezou ás 7 e cuarto da tarde. Primeiro ían os músicos tocando; despois os zancudos vestidos de espantallos; a continuación, uns homes vestidos de trasnos subidos nuns vermes xigantes de tea; xusto despois, a carroza de Melchor, decorada cunha estatua de papel dun homiño moi simpático tocando a trompeta seguida da carroza de Gaspar decorada cunha estatua de Charlot.
Logo a carroza de Baltasar decorada cunha esfinxe exipcia; en último lugar, a carroza do Pato Donald e a súa muller Daisy.
Repartiron moitos caramelos; cando marchamos estaba moi impaciente por ver o que me traerían os Reis Magos.

Unha historia de Kafka

Regalaronme este libro polo meu santo. Recoméndovolo.

Trata dun escritor que atopa a unha nena chorando porque perdeu a sua boneca, el intenta calmala e conségueo grazas a unha historia que lle conta e unhas cartas que escribe.

Pasado un ano morre.